اسلام آباد(مانیٹرنگ ڈیسک) یوم آزادی صحافت کے حوالے سے ایکسپریس نیوز کے پروگرام ’’کل تک ‘‘ میں گفتگو کرتے ہوئے سینئر صحافی حامد میر کے اہم انکشافات۔ تفصیلات کے مطابق حامد میر نے کہا ہے کہ ڈان لیکس کی خبر ٹھیک تھی لیکن اس خبر کا ایک حصہ میرے خیال میں ٹھیک نہیں تھا۔ وہ حصہ یہ کہ شہباز شریف کی اس وقت کے ڈی جی آئی ایس آئی سے تلخ کلامی ہوئی ہے۔

حامد میر نے کہا کہ میں نے ڈان پر خبر پڑھتے ہی وزیر اعلیٰ پنجاب شہباز شریف کو فون کرکے پوچھا کہ کیا آپ نے ایسا کہا ہے؟ تو انہوں نے جواب دیا نہیں، حامد میر کا مزید کہنا تھا کہ میں بھی اسی بات پر حیران ہوا تھا کہ شہباز شریف ڈی جی آئی ایس آئی کے ساتھ تلخ کلامی کیسے کر سکتے ہیں؟