اسلام آباد (مانیٹـرنگ ڈیسک)ضابطہ اخلاق کی خلاف ورزی پرالیکشن کمیشن میں عمران خان کیخلاف کارروائی روک دی گئی، اسلام آباد ہائیکورٹ نے احکامات جاری کر دئیے۔تفصیلات کے مطابق اسلام آباد ہائیکورٹ نے ضابطہ اخلاق کی خلاف ورزی پرالیکشن کمیشن میں عمران خان کیخلاف کارروائی روکنے کے احکامات جاری کر دیئےہیں،کیس کی سماعت کرتے ہوئے جسٹس عامر فاروق نے احکامات جاری کیے۔
عمران خان نے الیکشن کمیشن کے ضابط اختیارکو ہائی کورٹ میں چیلنج کر رکھا ہے۔اسلام آباد ہائیکورٹ میں کیس کی مزید سماعت 15 مئی تک ملتوی کر دی گئی ہے۔عمران خان کے خلاف الیکشن کمیشن کی کارروائی روکے جانے بارے اسلام آباد ہائیکورٹ کے احکامات جاری ہونے پر پی ٹی آئی کارکنوں نے جشن منا کر خوشی کا اظہار کیا ہے۔
