اسلام آباد (این این آئی) محکمہ موسمیات نے ملک کے بیشتر علاقوں میں مطلع جزوی طور پر ابر آلود اور خشک رہنے کی پیشن گوئی کرتے ہوئے کہا ہے کہ کوئٹہ، لاہور ٗراولپنڈی ڈویژن ٗ اسلام آباد اور کشمیر سمیت بعض مقامات پر تیز ہوائوں اور گرج چمک کے ساتھ بارش کا امکان ہے ۔ترجمان محمد ایاز کے مطابق اگلے 2روز کے دوران ملک کے بیشتر علاقوں میں موسم گرم اور خشک رہے گا تاہم مالاکنڈ، ہزارہ ڈویژن، بالائی فاٹا، کشمیر اور گلگت بلتستان میں بعض مقامات پر تیز ہوائوں اور گرج چمک کے ساتھ ہلکی بارش کا
امکان ہے۔گزشتہ 24 گھنٹوں کے دوران ملک کے بیشتر علاقوں میں موسم خشک ٗ سندھ اور زیریں بلو چستان میں موسم شدید گرم رہاتاہم مالاکنڈ، ہزارہ، راولپنڈی ڈویژن اور کشمیر میں چند مقامات پر تیز ہوائوں اور گرج چمک کے ساتھ ہلکی بارش ہوئی۔سب سے زیادہ بارش مری میں07، کاکول 04، سیدو شریف 02، راولاکوٹ 03، گڑھی ڈوپٹہ 01 ملی میٹر ریکارڈ کی گئی۔انہوں نے بتایا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق لاڑکانہ، بہاولنگر میں 44، رحیم یار خان، پڈعیدن، موہنجودڑو، جیکب آباد، دادو 43، سبی، روہڑی، شہیدبینظیر آباد، خانپور، تربت، میرپورخاص،مٹھی، نورپورتھل 42 ڈگری جبکہ لاہور میں کم سے کم 22، اسلام آباد16، کراچی 26،پشاور 19، کوئٹہ 12، گلگت07اور چترال میں 08تک رہنے کا امکان ہے ۔
