اسلام آباد(مانیٹرنگ ڈیسک)2017الیکشن کا سال ہے،طارق فاطمی جلددھماکہ کرنے والے ہیں وہ سب راز کھولنے والے ہیں، ڈان لیکس رپورٹ اور حکومتی نوٹیفکیشن کے بعد پیدا ہونیوالی صورتحال چوہدری نثار بھی کنٹرول نہیں کر سکتے، پیپلزپارٹی رہنما سردار نبیل گبول کے نجی ٹی وی پروگرام میں انکشافات۔ تفصیلات کے مطابق نجی ٹی وی پروگرام میں گفتگو کرتے ہوئے پیپلزپارٹی رہنما سردار نبیل گبول نے انکشاف کرتے ہوئے کہا ہے کہ ڈان لیکس رپورٹ کے بعد حکومتی نوٹیفکیشن کے ذریعے

عہدے سے برطرف کئے جانے والے طارق فاطمی جلد بڑا دھماکہ کرنے والے ہیں وہ تمام راز کھول دیں گے کہ کس نے کیا بات کی تھی۔ نبیل گبول کا کہنا تھا کہ پیپلزپارٹی اور عمران خان یہ جانتے ہیں کہ یہ الیکشن کا سال ہے، پی ٹی آئی چیئرمین کو پہلے سے معلوم تھا کہ سپریم کورٹ پانامہ کیس پر کیا فیصلہ دے گی۔ انہوں نے کہا کہ ڈان لیکس رپورٹ اور حکومتی نوٹیفکیشن کے بعد پیدا ہونے والی صورتحال تھمے گی نہیں اور وفاقی وزیر داخلہ چوہدری نثار جو مرضی کرلیں وہ صورتحال کنٹرول نہیں کر سکیں گے۔