اسلام آباد (مانیٹرنگ ڈیسک)عام انتخابات میں پنجاب میں بھی کامیابی حاصل کرنے کےلئے پاکستان پیپلزپارٹی نے اپناتنظیمی ڈھانچہ تبدیل کرنے کافیصلہ کرلیاہے ۔تفصیلات کے مطابق پاکستان پیپلزپارٹی کی قیادت نے فیصلہ کیاہے کہ مخدوم فیصل صالح حیات کوپنجاب میں پارٹی کاصدرجبکہ موجودہ صدرقمرزمان کائرہ کوپارٹی کاجنرل سیکرٹری پنجاب مقررکردیاجائے۔
مخدوم فیصل صالح حیات نے گزشتہ دنوں ہی منڈی شاہ جیونہ میں پیپلزپارٹی کے جلسہ عام میں دوبارہ پی پی پی کوجوائن کرنے کااعلان کیاتھاجبکہ اب انکوپنجاب میں پیپلزپارٹی کے صدرکاعہدہ سونپاجائے گا۔مخدوم فیصل صالح حیات کوپارٹی کے پرانے اورناراض ساتھیوں کومنانے کاٹاسک دیاجائےگا۔مخدوم فیصل صالح حیات ذاتی مصروفیات ختم ہونے کے بعد عہدہ سنبھال لیں گے
