اسلام آباد (مانیٹرنگ ڈیسک) عمران خان کوقتل کروایا جا سکتا ہے، بھارتی صنعتکار سجن جندال کی پاکستان آمد اور وزیراعظم نواز شریف سے ملاقات کو دفاعی تجزیہ کار زید حامد نے پی ٹی آئی چیئرمین اور پاک آرمی کے خلاف خفیہ خطرناک ایجنڈا قرار دے دیا۔
تفصیلات کے مطابق نجی نیوز چینل کے ٹاک شو میں گفتگو کرتے ہوئے دفاعی تجزیہ کار زید حامد نےکہا ہے کہ معروف بھارتی صنعتکار سجن جندال نے مبینہ طور پر وزیراعظم نواز شریف کو پیش کش کی ہے کہ اگر وہ چاہیں تو ان کو بچانے کیلئے بھارت پاکستان آرمی کے خلاف ہر قسم کا بحران کھڑا کر سکتا ہے۔ زید حامد کا کہنا تھا کہ سجن جندال کے بیٹے نے سماجی رابطوں کی ویب سائٹ پر اپنے پیغام میں پاک فوج کے خلاف نازیبا زبان استعمال کی ۔ یہ لوگ پاک فوج کے خلاف ہیں اور ان کی پاکستان دشمنی ڈھکی چھپی نہیں۔ دفاعی تجزیہ کار کا کہنا تھا کہ لائن آف کنٹرول پر فائرنگ اور دہشتگردی کے واقعات سے یہ تاثر ملتا ہے کہ جب بھی نوازشریف کسی مشکل میں پھنستے ہیں تو ان کو بچانے کیلئے ایسے واقعات شروع کروا دئیے جاتے ہیں۔ ان کا کہنا تھا کہ سانحہ اے پی ایس کے وقت بھی نواز حکومت کے خلاف ایک بہت بڑا دھرنا اسلام آباد میں جاری تھا ۔ زید حامد نے خدشہ ظاہر کرتے ہوئے کہا کہ عمران خان کو اپنی سکیورٹی میں اضافہ کرتے ہوئے حفاظتی اقدامات سخت کرنا چاہئیں کیونکہ بطور دفاعی و سکیورٹی تجزیہ کار مجھے محسوس ہو رہا ہےکہ اب عمران خان کو ٹارگٹ کیا جائے گا اور عمران خان کو قتل کروایا جا سکتا ہے۔زید حامد نے خدشہ ظاہر کرتے ہوئے کہا کہ عمران خان کو اپنی سکیورٹی میں اضافہ کرتے ہوئے حفاظتی اقدامات سخت کرنا چاہئیں کیونکہ بطور دفاعی و سکیورٹی تجزیہ کار مجھے محسوس ہو رہا ہےکہ اب عمران خان کو ٹارگٹ کیا جائے گا اور عمران خان کو قتل کروایا جا سکتا ہے۔
