اسلام آباد(آئی این پی)وزیراعظم کے معاون خصوصی ڈاکٹر آصف کرمانی نے کہا ہے کہ جس شخص نے عمران خان کو 10ارب روپے کی پیشکش کی وہ اس کا نام بتائیں یاپھروہ سیاست سے آؤٹ ہونے کے لئے تیار ہوجائیں، جلسہ دن کی روشنی میں ہوتا ہے ،رات کو صرف موسیقی کی تقاریب ہوتے ہیں ،چلے ہوئے تمام کارتوس پی ٹی آئی جلسے کے سٹیج پر موجود ہیں۔پی ٹی آئی کا جلسہ نہیں بلکہ موسیقی کی تقریب ہے
جمعہ کو پی ٹی آئی کے جلسے پر ردعمل دیتے ہوئے آصف کرمانی نے کہا کہ پی ٹی آئی کا جلسہ نہیں بلکہ موسیقی کی تقریب ہے کیونکہ جلسے دن کی روشنی میں ہوتے ہیں راتوں کے اندھیرے میں نہیں ،جلسے صرف مسلم لیگ (ن) کر سکتی ہے ۔انہوں نے کہا کہ چلے ہوئے تمام کارتوس پی ٹی آئی جلسے کے سٹیج پر موجود ہیں،جن کو کوئی اپنی پارٹی میں رکھنے کو تیار نہیں ایسے سب لوگوں کو عمران خان نے اکٹھا کیا ہوا ہے ۔
