ممبئی (نیوز ڈیسک) بالی وڈ فلم ” اڑتا پنجاب“ میں اداکار شاہد کپور 15مختلف روپ میں نظر آئیں گے۔بھارتی ذرائع ابلاغ کے مطابق فلم میں 15مختلف روپ دھارنے کیلئے شاہد کپور کے سٹائلسٹ ابھیشک چوبی کے ساتھ صلاح و مشورے جاری ہیں۔ ابھیشک شاہد کپور کو مختلف مناظر کیلئے مختلف روپ دینے کیلئے کبھی ان کے کٹے سلجھے بال ، کبھی رنگ ہوئے کبھی الجھے ہوئے اور کبھی پونی ٹیل کئے بال دکھائیں گے۔ اس کے ساتھ شاہد فرنچ دھاڑی کے ساتھ بھی نظر آئیں گے۔ فلم کی دیگر کاسٹ میں کرینہ کپور اور عالیہ بھٹ شامل ہیں۔