اسلام آباد(آئی این پی) سپریم کورٹ کی جانب سے پاناما کیس کا فیصلہ 20 اپریل کو سنائے جانے کی کاز لسٹ جاری ہونے کے بعد ’’پاناما کیس‘‘ سماجی رابطے کی ویب سائٹ ’’ٹویٹر‘‘ پر ٹاپ ٹرینڈ بن گیا۔تفصیلات کے مطابق منگل کو سپریم کورٹ کی جانب سے پاناما کیس کا فیصلہ 20 اپریل کو سنائے جانے کی ضمنی کاز لسٹ جاری ہونے کے بعد ’’پاناما کیس‘‘ سماجی رابطے کی ویب سائٹ ’’ٹویٹر‘‘ پر ٹاپ ٹرینڈ بن گیا اور مسلم لیگ
(ن) اور تحریک انصاف کے حامیوں کے درمیان نئی گرما گرم بحث شروع ہوگئی ۔دونوں پارٹیوں کے حامی صارفین پاناما کیس کا فیصلہ اپنے حق میں آنے کے دعوے کرتے رہے ۔ سپریم کورٹ آف پاکستان نے ضمنی کاز لسٹ جاری کی ہے جس کے مطابق پاناما کیس کا فیصلہ 20 اپریل کو سنایا جائے گا۔خیال رہے کہ سپریم کورٹ کے جج جسٹس آصف جسٹس آصف سعید کھوسہ کی سربراہی میں 5 رکنی بینچ نے پاناما کیس کی سماعت کی تھی
