اسلام آباد(مانیٹرنگ ڈیسک)عبدالولی خان یونیورسٹی مردان کا نام مشال خان کے نام پر رکھنے کی درخواست، تحریک انصاف کے چیئرمین عمران خان نے عندیہ دے دیا۔ تفصیلات کے مطابق تحریک انصاف کے چیئرمین عمران خان نے سماجی رابطوں کی ویب سائٹ ٹویٹر پر اپنے ایک پیغام میں کہا ہے کہ وہ جب عبدالولی خان یونیورسٹی مردان کے ہاسٹل میں توہین مذہب کے الزام میں مشتعل ہجوم کے ہاتھوں قتل ہونے والے مشال خان

کے اہلخانہ سے تعزیت کیلئے ان کے گھر پہنچے تو مشال خان کے اہلخانہ نے ان سے دو معقول درخواستیں کی ہیں جن میں سے ایک عبدالولی خان یونیورسٹی مردان کا نام تبدیل کر کے مشال خان کے نام پر رکھنے اور دوسرا مشال کے قاتلوں کو کیفر کردار تک پہنچانا ہے۔عمران خان نے کہا کہ ملاقات کے دوران مشال کے خاندان کے صبر اور حوصلے سے متاثر ہوا اور ان کی درخواستوں کو ماننے کی ہرممکن کوشش کروں گا۔