باجوڑایجنسی ( آئی این پی ) باجوڑایجنسی میں زیر تعمیر پل گرنے سے دو مزدور ملبے تلے دب جانے سے جاں بحق جبکہ تین شدید زخمی ہوگئے ہیں ۔ اتوار کے سہ پہر باجوڑایجنسی کے تحصیل سلارزئی کے علاقہ چرگوڑئی میں زیر تعمیر چھوٹا پل(کلیواٹ) گرنے سے جاں بحق ہونیوالے مزدوروں کی تعداد 2ہوگئی ۔ واقعے میں تین مزدورشدید زخمی ہوگئے ہیں۔ زخمی مزدوروں کو فور ی علاج معالجے کیلئے ایجنسی ہیڈکوارٹر ہسپتال
خار منتقل کیاگیاہیں ۔ واقعے کے اطلاع ملتی ہی مقامی لوگو ں نے امدادی کاروائیاں شروع کی تاہم ملبے تلے دب جانیوالے ایک مزدورمسمیٰ گل سعید کی لاش کو کرین کی مدد سے نکالاگیا۔ مذکورہ مزدور علاقہ راغگان سے پشت تک تعمیر ہونیوالے روڈ پر تعمیراتی کام میں مصروف تھے کہ اچانک چھوٹا پل گرگیا ۔واقعے میں دومزدور اسماعیل اور گل سعید جاں بحق جبکہ شہزادہ ، نواب اور غازی شدید زخمی ہوگئے ہیں ۔