اسلام آباد(مانیٹرنگ ڈیسک) چند روز قبل عبد الولی خان یونیورسٹی میں طالب علم مشال خان کو توہین رسالت ﷺ کے الزام میں بغیر ثبوت اور جرم ثابت کئے قتل کر دیا گیا۔ مذکورہ واقعے کی خبر جس نے بھی سنی یا پڑھی وہ رنجیدہ ہوگیا۔ یہی وجہ ہے کہ مختلف شعبوں سے تعلق رکھنے والے افراد اپنے غم و غصے کا اظہار کر رہے ہیں ،کرکٹر حسن علی نے مشال کے قتل پر دکھ بھرا پیغام بھیجا ،ادھر معروف قومی کرکٹر شعیب ملک سے
بھی رہا نہ گیااور انہوں نے بھی مشال کے قاتل پر اپنا پیغام بھیجا ۔سماجی رابطے کی ویب سائٹ ٹوئٹر پر مشال کے قتل پر شعیب ملک نے قر آن پاک کا حوالہ دیتے ہوئے کہا کہ ”جس کسی نے ایک انسان کو قتل کیا ،اس نے تمام انسانیت کو قتل کیا اور جس نے ایک زندگی بچائی اس نے تمام انسانیت کو بچا یا “۔سٹار کرکٹر کی جانب سے اس پیغام پر سوشل میڈ یا صارفین نے بھی حمایت کی اور قاتلوں کو کیفر کردار تک پہنچانے کا بھی مطالبہ کیا ۔
