نئی دہلی(نیوز ڈیسک) ہندوستانی کرکٹر ویرات کوہلی اور بالی ووڈ اداکارہ انوشکا شرما کے درمیان جاری محبت کا سلسلہ کسی سے پوشیدہ نہیں رہا ہے۔ دونوں کبھی ایئر پورٹ پر تو کبھی اسٹیڈیم پر تو کبھی کسی غیر ملکی سرزمین پر ایک دوسرے کے ساتھ نظر آتے ہیں، لیکن ویرات کوہلی نے منگل کو پہلی مرتبہ انوشکا کو ”مائی لو“ کہہ کر اس رشتے کی تصدیق کردی۔ویرات نے انوشکا کی حال ہی میں ریلیزہونے والی فلم این ایچ-10 دیکھ کر ٹوئیٹ کیا کہ ”ابھی ابھی این ایچ -10 دیکھی۔ کیا بہترین فلم ہے اور خاص طور پر میری محبت My Love انوشکا شرما نے کمال کی اداکاری کی ہے، جس پر مجھے فخر ہے۔“دلچسپ بات یہ ہے کہ ویرات کوہلی نے اپنی محبت کا یوں سرعام اظہار اس وقت کیا ہے، جب انوشکا اپنی فلم این ایچ -10 کی پروموشن کے دوران ویرات سے متعلق کیے جانے والے سوالوں کو ٹالنے کی کوشش کررہی تھیں۔