اسلام آباد(مانیٹرنگ ڈیسک)پنجاب پولیس کی نئی یونیفارم کے متعلق اہلکاروں کی جانب سے سلائی اور سائز میں فرق کی شکایت سامنے آنے پر یونیفارم کا ازسر نو جائزہ لیکر اسے معیار کے مطابق تیار کرکے ایک بار پھر تبدیل کرنے کا فیصلہ کیا گیا ہے۔ جس کے باعث راولپنڈی میں نئی یونیفارم کی ترسیل رواں ماہ کے دوران ممکن نہیں ہوسکے گی۔ذرائع کے مطابق پنجاب پولیس کے کانسٹیبل سے لیکر آئی جی کی سطح تک فورس کی
یونیفارم تبدیل کی گئی ۔اس مقصد کیلئے سابق آئی جی مشتاق سکھیرا اپنی مدت ملازمت کے آخری دنوں میں کانسٹیبل سے لیکر ڈی آئی جی سطح کے آفیسر زکو باقاعدہ یونیفارم پہنا چکے ہیں اور ابتدائی مرحلے میں فورس نے لاہور میں یونیفارم استعمال کرنا بھی شروع کردیا لیکن اب دلچسپ صورتحال یہ سامنے آئی ہے جس کے تحت پولیس کے افسرا ن و جوانوں کو یونیفارم کی سلائی اور سائزز کے حوالے سے شدید شکایات سامنے آئی ہیں۔
