دبئی (نیوز ڈیسک) انٹرنیشنل کرکٹ کونسل نے کوارٹرفائنل کے لیے قوانین میں تبدیلی کا اعلان کردیا جس کے تحت فیلڈ اور تھرڈایمپائر کے درمیان ہونیوالی گفتگوکو اب ساری دنیا کو سنایاجائے گا۔
آئی سی سی اعلامیہ کے مطابق فیلڈ اور تھرڈ امپائر کی گفتگو کا2014ءمیں آسٹریلیا اور جنوبی افریقہ کے درمیان سیریز میں تجربہ کیا گیا تھا جس پر اب ورلڈ کپ کے آخری سات میچوں میں بھی عمل درآمد کیا جائے گا اور کسی بھی فیصلے پر فیلڈ اور تھرڈ امپائر کے درمیان ہونے والی گفتگو آن ایئر کی جائے گی۔