اسلام آباد(آن لائن)اسلام آباد انٹرنیشنل ایئر پورٹ سیکیورٹی فورس نے متحدہ کے ایم این اے سہیل منصور سے ایئر پورٹ پر تلاشی کے دوران 96کارتوس برآمد کر لیے ۔ وہ پی آئی اے کی پرواز 309 پر اسلام آباد سے کراچی جا رہے تھے۔ نجی ٹی وی کے مطابق ایئر پورٹ سیکیورٹی فورس نے ایم کیو ایم کے رکن قومی
اسمبلی سہیل منصور کے سامان کی تلاشی لی جہاں سے 96کارتوس برآمد ہوئے تاہم سیکیورٹی کے روکنے کے باوجود سہیل منصور اپنا سامان چھوڑ کر کراچی روانہ ہوگئے۔کارتوس برآمد ہونے کے بعد اے ایس ایف نے سہیل منصور کو تفتیش کیلئے رکنے کی ہدایت کی مگر وہ اپنا سامان چھوڑکر کراچی روانہ ہو گئے ۔
