لاہور(مانیٹرنگ ڈیسک)لاہور ہائی کورٹ نے 2018 میں سی ایس ایس کا امتحان اردو میں لینے کا فیصلہ معطل کر دیا جبکہ چیف جسٹس منصور علی شاہ نے ریمارکس دیئے ہیں کہ انگریزی میں گریجویشن کرنیوالے سی ایس ایس کا امتحان اردو میں کیسے دے سکتے ہیں؟وفاقی حکومت بتائے سیلیبس کی اردو میں تیاری کیلئے کتنا وقت درکار ہے ؟۔تفصیلات کے مطابق لاہور ہائی کورٹ میں 2018 میں سی ایسایس کا امتحان اردو میں لینے سے متعلق

کیس کی سماعت چیف جسٹس منصور علی شاہ کی سربراہی میں 2 رکنی بینچ نے کی۔ اس موقع پر وفاق کی جانب سے موقف اختیار کیا گیا کہ سی ایس ایس کا امتحان 2018 میں اردو میں لینا ممکن نہیں ہے کیونکہ اس حوالے سے بالکل بھی تیاری نہیں ہے۔ وفاقی حکومت کی جانب سے عدالت کو بتایا گیا کہ سی ایس ایس کے 51 میں سے 43 مضامین کا اردو میں ترجمہ نہیں ہو سکا ہے اس لئے اردو میں سی ایس ایس کا امتحان ممکن نہیں ہے۔