اسلام آباد (این این آئی) مقامی عدالت نے غیرت کے نام پر بیٹی کو قتل کرنے والے باپ کو چودہ روزہ جوڈیشل ریمانڈ پر جیل بھجوادیا ۔بدھ کو غیرت کے نام پر بیٹی کو قتل کرنے والے اعجازکو جوڈیشل مجسٹریٹ حفیظ احمد کی عدالت میں بدھ کوپیش کیا گیا۔ ملزم نے پولیس کو دیئے گئے اپنے بیان مین کہا کہ پندرہ سالہ بیٹی کا افغانی
شہری علاؤالدین کے ساتھ تعلق تھا۔ مارچ کے آغاز میں علاؤالدین کے خلاف مقدمہ درج کروایا مگرپولیس نے کوئی کارروائی نہ کی، کئی مرتبہ بیٹی کو سمجھایا مگر وہ باز نہ آئی جس پر اسے قتل کردیا۔ پولیس کی جانب سے استدعا کی گئی .عدالت نے پولیس کی استدعا منظور کرتے ہوئے ملزم جوڈیشل ریمانڈ پر جیل بھجوادیا۔
