اسلام آباد (مانیٹرنگ ڈیسک) کرکٹ کا میدان سج چکا ہے ۔ پاکستان اور ویسٹ انڈیز آمنے سامنے آچکے ہیں ۔ پہلا میچ ہوا اور پاکستان کو فتح حاصل ہوئی ۔ گرین شرٹس کی جانب سے نوجوان کرکٹر شاداب خان نے مخالف ٹیم پر جہاں اپنی دھواں دار بائولنگ کی دھاک بٹھائی وہیں انہوں نےبائولنگ کے میدان میں

نئے ریکارڈز بھی قائم کر لیے ۔ یاد ررہے کہ یہ شاداب خان کا پہل امیچ تھا جس میں انہوں نے باصرف بہترین بائولر ہونے کا اعزاز حاصل کیا بلکہ وہ دنیا کے سب سے معروف ترین کرکٹرز میں سے ایک شاہد خان آفریدی کے ہم پلہ بھی بن گئے ۔ تفصیلات کے مطابق شاداب خان نے ویسٹ انڈیز کے خلاف پہلے میچ میں عمدہ باؤلنگ کے ذریعے صرف 7 رنز کے عوض 3 کھلاڑیوں کو آؤٹ کیا اور ان کا اکانومی ریٹ 1.75 رہا جو کسی بھی ڈیبیو باؤلر کا بہترین ریٹ ہے۔ انہوں نے ناصرف ریکارڈ یافتہ باؤلنگ کی بلکہ پہلے ہی میچ میں بہترین کھلاڑی کا ایوارڈ وصول کرنے والے پاکستان کے دوسرے کھلاڑی ہونے کا اعزاز بھی اپنے نام کر لیا۔اس سے قبل یہ اعزاز بوم بوم آفریدی کے پاس تھا۔