لاہور(آئی این پی) قومی ٹیم کے سابق فاسٹ باؤلر عطاؤ الرحمن کا کہنا ہے کہ ملک کو بیچنے والے اب کرکٹ بورڈ میں کام کررہے ہیں۔ نجی ٹی وی کے پروگرام میں گفتگو کرتے ہوئے عطاؤ الرحمان کا کہنا تھا کہ پاکستان میں سچ بولنا پھانسی کا پھندا اپنے گلے میں لینے کے مترادف ہے ،جسٹس (ر)قیوم کی رپورٹ میں سب کچھ
لکھا ہوا ہے ،میں نے اس وقت بھی نواز شریف کو بتایا تھا،پاکستان کرکٹ بورڈ میں موجود کچھ لوگ میچ فکسنگ کو تسلیم نہیں کرنا چاہتے تھے کیوں کہ وہ کہتے تھے کہ آئی سی سی ہم پر پابندی لگا سکتی ہے۔ عطاؤالرحمان کا مزید کہنا تھا کہ ملک کو بیچنے والے وسیم اکرم ،مشتاق احمد اور انضمام الحق کرکٹ بورڈ میں کام کررہے ہیں۔
