ممبئی (نیوز ڈیسک ) بالی ووڈ کی بلاک بسٹر جوڑی شاہ رخ خان اور کاجول ایک بار پھر پردہ سیمیں پر جوڑی بنائیں گے۔ ہدایتکار روہت سیٹھی بالی ووڈ کی ایور گرین جوڑی پھر شائقین کے سامنے لا رہے ہیں۔ روہت نے بالی ووڈ میں گزشتہ کئی ماہ سے سرگرم خبروں کی تصدیق کرتے ہوئے کہا کہ ان کی نئی فلم ”دل والے“ میں شاہ رخ خان اور کاجول مرکزی کردار کریں گے۔ بالی ووڈ کی مشہور جوڑی اس سے پہلے مائی نیم از خان میں بھی نظر آئی تھی۔ رومانوی فلم میں ورون دھون اور ہیروپینٹی کی ہیروئن کریتی سینن بھی نظر آئیں گی۔ ”دل والے“ کی شوٹنگ کا آغاز بیس مارچ کو ہوگا۔