ممبئی(نیوز ڈیسک) ناکامیابیوں کے بھنور میں پھنسی بالی ووڈ کی بے بو کرینہ کپور نئی فلم میں آئٹم نمبر پر حسن کی بجلیاں گرانے کیلئے تیار ہو گئی، بے بو کیلیے سال 2014 تو ناکامی اور مایوسی کے سوا کچھ نہ دے سکا، جس فلم میں کام کیا وہ بری طرح پٹی، فلمی کیرئیر پر ناکامی کے یہ بادل پچھلے دو برس سے چھائے ہوئے ہیں، اداکارہ کو تلاش ہے کسی اچھی فلم کی اور وہ مل کر نہیں دے رہی، اسی پریشانی سے دوچار فیوی کول گرل نے مہمان اداکار بن کر فلموں میں قسمت آزمانا شروع کر دی ہے، ساتھ ساتھ چھوٹے نواب کی دلہنیا آئٹم نمبر کرنے کو بھی تیار ہیں، کرن جوہر نے بےبو کو شامل کیا ہے۔ نئی فلم میں بطور ہیروئن نہیں بلکہ اسپیشل نمبر کیلئے، فلم کے ہیرو ہیں سدھارنتھ مہلوترہ جن کی ہیروئن کا انتخاب نہیں ہوا، کرینا کپور کیلئے خاص طور پر مہنگے مہنگے ملبوسات ڈیئزائن کیے جائیں گے۔ تاکہ ان کا حسن اس آئٹم نمبر میں اور قیامت ڈھائے۔