اسلام آباد(مانیٹرنگ ڈیسک)پاکستان سپر لیگ سپاٹ فکسنگ سکینڈل میں ملوث کھلاڑی اپنے ساتھی کرکٹر کی مخبری پر اینـٹی کرپشن یونٹ کی نظروں میں آئے۔ تفصیلات کے مطابق نجی ٹی وی نے ذرائع کے حوالے سے بتایا ہے کہ معطل ہونے والے کھلاڑیوں کے بکیز سے رابطوں میں اینٹی کرپشن یونٹ نظر رکھے ہوئے تھا اور اینٹی کرپشن یونٹ کو ایک ساتھی کھلاڑی نے مخبری کی جس پر

اینٹی کرپشن یونٹ بکی سے رابطوں پر کھلاڑیوں کے خلاف حرکت میں آیا۔ساتھی کھلاڑی کی مخبری کے بعد پی سی بی نے فوری طور پرایکشن لیتے ہوئے شرجیل خان اور خالد لطیف کو معطل کیا جبکہ محمد عرفان کو چند روز قبل معطل کرتے ہوئے ان سے 14روز میں جواب طلب کر لیا ہےجبکہ دوسری جانب شاہ زیب حسن کے خلاف پی سی بی کا اینٹی کرپشن یونـٹ تحقیقات جاری رکھے ہوئے ہے۔

موضوعات:اینٹی کرپشن یونٹ سپاٹ فکسنگ سکینڈل مخبری