نوجوان نے عالم دین سے پوچھا؟میں ایک جوان ہوں اور نامحرم دیکھنے کے لئے مجبور ہوں اس صورت میں کیا کروں؟عالم دین نے اسکی بات پہ غور کیا اور اسے ایک برتن دیا جو دودھ سے لبالب بھرا ہوا تھا اور تاکید کی کہ برتن کو فلاں جگہ تک لے جاؤ اور خیال رکھنا کہ دودھ نہ گرے، پھر کہا اگر تم سے دودھ گرا تو میں سب لوگوں کے سامنے وہی تمہیں اس چھڑی سے ماروں گا۔جوان برتن کو صحیح و سالم منزل تک لے گیا اتنی احتیاط سے کہ

ایک قطرہ بھی دودھ کا نہ گرا۔ تب عالم دین نے اس سے پوچھا؟ راستے میں کتنی لڑکیوں کو دیکھا ؟جوان نے جواب دیا۔کسی کو بھی نہیں ، میں اس فکر میں تھا کہ دودھ کو احتیاط سے منزل تک پہنچا دوں تاکہ لوگوں کے سامنے مار کھا کر ذلیل نہ ہوں۔عالم دین نے کہا!یہ اس مؤمن کی داستان ہے جو خدا کو ہمیشہ اپنے کاموں پر حاضر و ناظر جانتا ہے اور قیامت کے دن وہ نہیں چاہتا کہ اپنے حساب و کتاب کے ذریعے لوگوں کی نظروں سے گرے۔