کراچی(این این آئی) وزیراعظم نواز شریف کا کہنا ہے کہ اسلام سب انسانوں کو مذہب کے انتخاب کا حق دیتا ہے اور طاقت سے مذہب کی تبدیلی کو جرم قرار دیتا ہے۔کراچی کے مقامی ہوٹل میں ہندو برادری کے مذہبی تہوار ہولی کی تقریب میں خطاب کرتے ہوئے نواز شریف کا کہنا تھا کہ مجھے یہاں آنے کی بہت خوشی ہے۔اس سے قبل وزیراعظم نواز شریف نے کراچی سرکلر ریلوے منصوبے کو پاک-چین اقتصادی راہداری منصوبے (سی پیک) میں شامل کرنے کا حکم جاری کیا۔
گورنر ہاؤس میں پاکستان مسلم لیگ (ن) سندھ کے رہنماؤں کے اجلاس کے دوران وزیراعظم نواز شریف کا کہنا تھا کہ ہم کراچی کی روشنیاں واپس لائے ہیں اور سندھ کے عوام کی مزید خدمت کریں گے، جبکہ کراچی میں امن و امان کی مکمل بحالی تک چین سے نہیں بیٹھیں گے۔وزیراعظم کا کہنا تھا کہ مسلم لیگ (ن) کراچی سمیت سندھ بھر میں بڑی پارٹی بن کر ابھرے گی۔اس موقع پر انہوں نے پارٹی رہنماؤں کو سندھ بھر میں الیکشن کی بھرپورتیاریوں کی ہدایت بھی جاری کی۔
