اسلام آباد(مانیٹرنگ ڈیسک) مکہ مکرمہ میں ٹریفک پولیس نے ممنوعہ اوقات میں اپنی گاڑیاں مسجد حرام تک لے جانے کی چھ گروپوں کو اجازت دیدی۔ ان چھ کے سوا کوئی اور شخص مسجد حرام میں ممنوعہ اوقات میں اپنی کاریں لے جانے کی اجازت نہیں ہوگی۔ ٹریفک پولیس حکام کا کہنا ہے کہ ممنوعہ
اوقات میں مسجد حرام کے آئمہ، موذن حضرات، جنازہ لانے والے، ریسکیو ٹیمیں، شہری دفاعی کے حکام، معذور اور مسجد حرام کے امور انجام دینے والے منتظمیں اپنی گاڑیاں مسجد حرام میں ممنوعہ اوقات میں داخل کرسکتے ہیں۔ مسجد حرام کے 19 موذن اور آئمہ ہیں۔ مسجد الحرام میں ایک وقتکے دوران 10 لاکھ افراد نماز ادا کرتے ہیں۔ نماز کے اوقات سے قبل مسجد حرام میں گاڑیاں لے جانے پر پابندی عائد کی جاتی ہے اور پابندی نصف گھنٹے تک برقرار رہتی ہے۔ ٹریفک حکام نے حرم مکی میں گاڑیاں لے جانے کیلئے ممنوعہ اوقات کا تعین کردیا ہے۔ عمرہ کے دوران معتمرین کو سہولت فراہم کرنے، ہوٹلوں میں قیام کرنے والے معتمرین اور دیگر شہریوں کی مسجد حرام تک رسائی آسان بنانے کے لیے گاڑیوں کو اندر لے جانے پر پابندی عائد کی گئی ہے ۔
