کراچی (مانیٹرنگ ڈیسک) انڈس موٹر کمپنی نے پاکستان میں ٹیوٹا کرولا سیریز”کرولا الٹس گرینڈے“ کی ایک نئی رینج متعارف کرانے کا فیصلہ کرلیاہے ۔ایک معروف ویب سائیٹ کے مطابق انڈس موٹر کمپنی نے کرولاالٹ س گرینڈے کی نئی رینج متعارف کرانے کافیصلہ کیاہے اس میں صارفین کےلئے نئے دلچسپ فیچرز متعارف کرائے جائینگے تاکہ ابھی تک اس کوعوام کوفروخت کرنے کی تاریخ کااعلان نہیں کیاگیاہے اس رینج کی گاڑی میں کچھ پرانے فیچرز کوبھی مزید بہتربنایااوراپ گریڈکیاگیاہے اوریہ اب انڈس موٹرزایسی کارسازکمپنی بن گئی ہے جس کی کارمیں سب سے زیادہ فیچرزموجود ہونگے ۔
ا ن فیچرمیں فرنٹ کیمرے،سیفٹی میکنزم،ڈبل ایس آرایس بیگز،آٹواے سی،ایم آئی ڈی سٹیرنگ سوچز اور آڈیو سسٹم ،آٹوفولڈبیک مررر،کلر ایم آئی ڈی ،میٹر سویپ ،جیک نائف کی ،کروم فوگ لیمپ ،سامان رکھنے کیلئے ٹرے ،مٹی کے نشانات سے بچاؤ کیلئے باڈی کا رنگ اور ہاتھی دانت سے بنے ہوئے فلور میٹس شامل ہیں ۔ پاک وہیلز کے ذرائع کے مطابق فرنٹ کیمرے کی قیمت 10ہزار روپے سے زائد ہوسکتی ہے ۔ ان تمام فیچرز کے علاوہ آئی ایم سی کمپنی نے نئے ماڈل میں اضافی رنگ بھی متعارف کرائے ہیں جن میں کرمسن ریڈ ،سرخی مائل براؤن اور کانسی نما رنگ دستیاب ہونگے جبکہ اس کی ڈلیوری کاوقت 40سے 45دن کے درمیان ہے ۔
