اسلام آباد(مانیـٹرنگ ڈیسک)بوم بوم آفریدی نے ایک اور اعزاز اپنے نام کر لیا۔ تفصیلات کے مطابق دبئی میں ہونے والےپاکستان سپر لیگ سیزن ٹو میں سب سے زیادہ چھکے لگانے کا اعزاز پاکستان کے معروف آل رائونڈر شاہد خان آفریدی نے اپنے نام کر لیا ہے ۔ اپنی جارحانہ بیـٹنگ کی وجہ سے مشہور پشاور زلمی کے شاہد خان آفریدی نے 9میچوں کی

7اننگز میں 15چھکے اور 9چوکے لگاکر یہ اعزاز حاصل کیا جبکہ کوئٹہ گلیڈی ایٹرز کے کیون پیٹرسن نے 9میچوں کی 8اننگز میں 14چھکے اور 15چوکے لگائے ہیںاور وہ دوسرے نمبر پر ہیں۔ سب سے زیادہ چھکوں کی دوڑ میں تیسرے نمبر پر لاہور قلندرز کے سنیل نارائن ہیں جنہوں نے 8میچوں کی 7اننگز میں 11چھکے اور 6چوکے لگائے ہیں چوتھے نمبر پر کوئٹہ گلیڈی ایٹرز کے احمد شہزاد نے 9میچوں کی8اننگز میں 10چھکے اور22چوکے لگائےہیں جبکہ کراچی کنگز کے کرس گیل 8میچوں کی 8اننگز میں 10چھکے اور 6چوکے لگاکر پانچویں نمبر پر ہیں۔