لاہور(نیوز ڈیسک) مشہور سوشل ایپلی کیشن واٹس ایپ نے بالآخر کالنگ فیچر متعارف کرا ہی دیا ہے تاہم اسے ایکٹیویٹ کرنے کیلئے آپ کے سمارٹ فون میں واٹس ایپ کا تازہ ترین ورژن انسٹال ہونا ضروری ہے۔
تفصیلات کے مطابق اینڈرائڈ سمارٹ فونز کے صارفین کیلئے یہ فیچر فراہم کر دیا گیا ہے تاہم اس کیلئے ضروری ہے کہ آپ کے پاس واٹس ایپ کا تازہ ترین ورژن 2.11.528 انسٹال ہو جو گوگل پلے سٹور پر بالکل مفت دستیاب ہے یا پھر 2.11.531 ورژن انسٹال ہو جسے واٹس ایپ کی ویب سائٹ سے ڈاﺅن لوڈ کیا جا سکتا ہے۔ اگر یہ ورژن انسٹال کرنے پر بھی کال فیچر ایکٹیویٹ نہیں ہو رہا تو پھر کیسی ایسے شخص کی جانب سے واٹس ایپ پر کال موصول ہونا ضروری ہے جس کے پاس یہ فیچر پہلے سے موجود ہے۔
ذرائع کے مطابق کسی بھی ایسے شخص کی جانب سے کال موصول ہونے کے فوری بعد واٹس ایپ کو بند کر کے دوبارہ کھولیں تو آپ کیلئے بھی کال فیچر ایکٹویٹ ہو جائے گا اور Call کے نام سے ایک اضافی ٹیب ایپلی کیشن میں ظاہر ہو گا جس میں موصول ہونے والی، کی جانے والی اور مسڈ کالز بمعہ وقت کے ظاہر ہوتی ہیں۔