اسلام آباد (نیوز ڈیسک) سابق وزیرداخلہ سندھ ذوالفقار مرزا نے کہا ہے کہ رینجرز نے وہ کام کیا جو سندھ حکومت نہ کرسکی۔تفصیلات کے مطابق ذولفقار مرزا نے کہا کہ انہو ںنے تین سال پہلے کہا تھا کہ نیٹو کا اسلحہ ایم کیو ایم والے لے گئے اور آصف زرداری کے پاس میرے الزامات کا جواب نہیں ،پارٹی کے تنخواہ دار وکروں کے بیانات میرے الزامات کا جواب نہیں، نائن زیرو پر مجرموں کی پناہ کے ثبوت تھے، ہماری حکومت نے مجھے کارروائی کی اجازت نہیں دی۔ نجی ٹی وی کو دیئے گئے انٹرویو میں انہوں نے کہاکہ 90 پر پیپلزپارٹی کو کارروائی کرنی چاہئے تھی، ہمارے حکمران ان کے بزنس پارٹنرہیں اس لئے کارروائی نہیں کرنا چاہتے تھے، خدا کا شکر ہے کہ رینجرز مظلوم کی آواز بنی اور چھاپہ مارا، میاں صاحب بزنس پارٹنر نہیں، اس لئے بلاخوف کارروائی کی۔ انہوں نے کہاکہ میں جس پارٹی کے خلاف بات کرتا ہوں انہیں پاگل لگتا ہوں گا۔