کوئٹہ (آئی این پی ) بارودی مواد ناکارہ بنانے کے دوران بم ڈسپوزل اسکواڈ کے شہید عبدالرزاق کے آخری الفاظ ’’ماں میرے لئے دعا کرنا‘‘بم ڈسپوزل اسکواڈ کے اہلکار شہید عبدالرزاق کی والدہ نے کہاہے کہ ان کو اپنے بیٹے کی شہادت پر فخر ہے ،انہوں نے جان کانذرانہ دیکر کئی لوگوں کی جانیں بچائی ۔یہ بات شہید عبدالرزاق کی والدہ نے آئی این پی سے گفتگو کرتے ہوئے کہی۔انہوں نے کہاکہ

دھماکے سے قبل وہ گھر میں بھتیجے کے ساتھ کھیل رہا تھا وہ اپنے بھتیجے سے بہت پیا کرتا تھا جس کے بعدانہیں فون پر اطلاع ملی ،انہوں نے جاتے ہوئے مجھ سے آخری بار یہی کہاکہ ماں میرے لئے دعا کرنا وہ چلا گیا میرے بیٹوں میں وہ تیسرے نمبر پر تھا مجھے ان کی شہادت سے متعلق رات کو دیر سے بتایاگیا پہلے ٹی وی پر ان کی شہادت سے متعلق خبریں چل رہی تھی تو گھر کے دیگر افراد نے ٹی وی بند کرکے کہا کہ وہ صرف زخمی ہوا ہے ہم ہسپتال جارہے ہیں ،انہوں نے کہاکہ میرے بچوں میں میرا سب سے زیادہ خیال رکھنے والا عبدالرزاق تھا انہوں نے شادی نہیں کی تھی پوچھنے پر کہتاتھاکہ اگر میں شادی کروں اور اگر میں کسی دھماکے میں شہید ہوگیاتو گھر والوں کا خیال کون رکھے گا۔