لاہور(آئی این پی)لاہور میں دہشت گردی کے دھماکہ کی شدت نے ماضی کے تمام دھماکوں کو پیچھے چھوڑ دیا ‘دھماکے کی آواز لاہور کے علاقہ کینٹ ‘ٹائون شپ سمیت کئی مقامات پر سنی گئی ‘ دھماکہ ہوتے ہی زمین لرز گئی اور دھماکے کی شدت سے کانوں کے پردے شل ہو گئے‘ ہر طرف نعشیں اور انسانی اعضا بکھرے ہوئے تھے اور خون ہر طرف بکھرا ہوانظر آیا ‘دھماکہ کے بعد مال روڈ سمیت قر یبی مارکٹیں فوری بند کر دی گئیں جبکہ لوگوں کے جلد نکلنے کی کوششوں کی وجہ سے بدتر ین ٹریفک بھی جام ہو گئی۔ تفصیلات کے
مطابق سوموار کے روز لاہور کے علاقہ مال روڈ پر ہونیوالے دہشت گردی کے واقعے کے بعد ر آگ کا شعلہ بلند ہوااس کے بعد کچھ پتہ نہیں چل سکا کہ کیا ہوا دھماکے سے شدید خوف و ہراس پھیل گیا اور وہاں افراد ہر طرف بھاگتے ہوئے نظر آئے جبکہ دھماکے آوازیں لاہور کے دور دارز علاقوں میں بھی سنی گئی دھماکے کے بعد مال روڈ پر مارکٹیں مکمل طور پر بند کر دی گئیں جبکہ ٹریفک کا نظام درہم برہم ہو گیا گاڑیوں کی لمبی لائنیں لگ گئیں اور شہریوں کو مارکٹیوں سے واپس نکلنے میں شدید مشکلات کا سامنا کرنا پڑا۔
