کراچی(نیوز ڈیسک) ایم کیو ایم کے مرکز نائن زیرو سے گزشتہ روز گرفتار کیے جانے والے مجرموں کو انسداد دہشتگردی کی خصوصی عدالت میں پیش کیلئے جانے کا امکان ہے‘ انسداد دہشت گردی عدالت کے اطراف سیکیورٹی کو سخت کر کے بھاری نفری کو تعینات کر دیا گیا ہے‘ ایم کیو ایم کے مرکز نائن زیرو سے گزشتہ روز رینجرز نے کاروائی کرتے ہوئے صحافی ولی بابر‘ اور ڈی ایس پی عارف کے قتل میں ملوث مجرموں سمیت دیگر کو گرفتار کیا تھا‘ گرفتار مجرموں میں فیصل موٹا‘ فرقان شبیر‘ عبید اور نادر خان شامل تھے۔ ذرائع کے مطابق رینجرز کی جانب سے گرفتار مجرموں کو آج عدالت میں پیش کر دیا جائے گا‘ جبکہ گرفتار دوسرے 25 افراد کو ماتحت عدالتوں میں پیش کیا جائے گا۔