اسلام آباد(مانیٹرنگ ڈیسک) انسانی ہاتھ سے مشابہہ ایک ایسا روبوٹ تیار کر لیا گیا جو موبائل فون پر بنائی کوئی بھی تصویر کو کاغذ پربالکل ویسا ہی بنادیتا ہے۔اس روبوٹ کو ’’لائن‘‘ کا نام دیا گیا ہے جس کا وزن 160 گرام ہے، یہ کسی انسانی ہاتھ کی طرح کام کرتے ہوئے پیچیدہ اور دلچسپ خاکے کاغذ پر اتاردیتا ہے۔ یہ روبوٹ لیپ ٹاپ، اسمارٹ فون اور ٹیبلٹ سے منسلک ہوکر کام کرتا ہے اور یوایس بی پورٹ سے ہی ہدایات اور بجلی حاصل کرتا ہے۔
روبوٹ کے ذریعے آپ ماؤس، انگلی یا کسی ایپل پینسل سے خاکہ بناسکتے ہیں اور یہ روبوٹ اسے فوری طور پر کاغذ پر نقش کردیتا ہے۔روبوٹ دھیرے دھیرے کسی انسان کی طرح لکیریں کھینچ کر مشکل ترین تصاویر کو کاغذ پر اتارتا ہے۔ حیرت انگیز بات یہ ہے کہ روبوٹ فریج اور شیشے پر بھی لکھ سکتا ہے۔ اسی طرح ڈرائنگ کو دوستوں کو بھی بھیجا جاسکتا ہے۔