لندن(آئی این پی) امریکی صدر ڈونلڈٹرمپ کے دورے کے خلاف آن لائن پٹیشن پر 6 لاکھ سے زائد برطانوی شہریوں نے دستخط کردیئے۔غیر ملکی میڈیا کے مطابق ٹرمپ کے خلاف پٹیشن برطانوی پارلیمنٹ کی تاریخ کی تیسری مقبول ترین پٹیشن بن گئی۔ٹرمپ کے مسلم دشمن اقدامات پر برطانوی عوام بھی سراپا احتجاج بن گئے۔

لاکھوں برطانوی شہریوں نے ڈونلڈ ٹرمپ کا سرکاری دورہ برطانیہ منسوخ کرنے کا مطالبہ کردیا۔ ٹرمپ کے دورے کے خلاف آن لائن پٹیشن پر چھ لاکھ سے زائد برطانوی شہریوں نے دستخط کردیئے۔ پٹیشن میں ٹرمپ کے دورہ برطانیہ کو ملکہ الزبتھ کیلئے باعث شرمندگی قرار دیا گیا ہے۔ پٹیشن پر اوسطا ہر منٹ میں ایک ہزار سے زائد لوگ دستخط کررہے ہیں۔ٹرمپ کے خلاف پٹیشن برطانوی پارلیمنٹ کی تاریخ کی تیسری مقبول ترین پٹیشن بن گئی ہے۔