کراچی (مانیٹرنگ ڈیسک)پاکستان کرکٹ ٹیم کے سابق کپتان شاہد آفریدی کے اس بیان کے بعد کہ قومی ٹیم کے تینوں فارمیٹ کےلئے ایک ہی کپتان ہوناچاہیے ۔شاہد آفریدی کایہ بیان سامنے آنے کے بعد کرکٹ کے حلقوں میں پاکستانی ٹیم کے کپتان کے بارے میں ایک نئی بحث چھڑ گئی ہے کہ قومی کرکٹ ٹیم کےلئے تینوں فارمیٹ کےلئے کون سے پاکستانی کھلاڑی کو کپتان ہوناچاہیے۔

اس سلسلے میں ایک نجی ٹی وی نے سوشل میڈیاپرتینوں فارمیٹ کےلئے تین پاکستانی کھلاڑیوں شعیب ملک ،اظہرعلی اورسرفرازاحمد کے بارے میں سروے کرایاہے جس کے مطابق وکٹ کیپربیٹسمین سرفرازاحمد 9516لائکس کے ساتھ پہلی پوزیشن ،شعیب ملک 1888لائیکس کے ساتھ دوسری پوزیشن جبکہ اظہرعلی کو615لائکس کے ساتھ تیسری پوزیشن ملی ہے۔واضح رہے کہ یہ سروے چندگھنٹوں کےدوران سوشل میڈیاپرکیاگیاہے۔

موضوعات:قومی ٹیم