اسلام آباد (آئی این پی) پاکستان تحریک انصاف کے چیئرمین عمران خان کی صدارت میں پارٹی کے ایک اہم اجلاس کے دوران کرسی کے ساتھ ان کے پالتو کتے کی موجودگی کی تصویر نے سوشل میڈیا پرہنگامہ کھڑا کردیااور صارفین نے اس پر مختلف قسم کے تبصرے کئے ۔
تفصیلات کے مطابق گزشتہ روز پاکستان تحریک انصاف کے چیئرمین عمران خان کی صدارت میں پارٹی کا ایک اہم مشاورتی اجلاس منعقد ہوا جس کی تصویر منظر عام پر آئی اس تصویر میں عمران خان کی کرسی کے ساتھ ایک طرف ان کا پالتو کتا بھی بیٹھا ہوادکھائی دیتاہے ۔ یہ تصویر پارٹی کی جانب سے باضابطہ طور پر میڈیا کے لئے جاری کی گئی ۔ تاہم اس تصویر نے سوشل میڈیا پر دھوم مچادی اور مختلف سوچ رکھنے والے صارفین نے اس پر طرح طرح کے تبصرے اور اپنے ردعمل کااظہار کیا۔واضح رہے کہ یہ پہلا موقع ہے کہ ملک میں کسی سیاسی جماعت کی طرف سے پارٹی کے مشاورتی اجلاس میں پارٹی قائد کا پالتو کتا بھی ہمراہ بیٹھا ہو
