لاہور(آئی این پی)پاکستان کرکٹ بورڈ(پی سی بی)کے زیراہتمام کھیلی جانیوالے پی ایس ایل کی فرنچائزڈلاہورقلندرزنے پاکستان کو مزید 4 بہترین کرکٹرز دینے کا دعویٰ کیاہے۔لاہورقلندرزکے چیف ایگزیکٹو عاطف رانا نے کہا ہے کہ ہم نے ایک لاکھ 13 ہزار کھلاڑیوں کے ٹرائلز لئے تھے ،8ڈسٹرکٹ ٹیمیں بنائیں اور ہرڈسٹرکٹ ٹیم میں 16،16پلیئرزشامل کئے۔

بعدازاں انہی کھلاڑیوں میں سے 128پلیئرمنتخب کرکے اْن کا ایک ٹورنامنٹ کرایا۔اْس ٹورنامنٹ میں سے ہم نے 30بہترین پلیئرزمنتخب کئے جن کا ہم نے ایک کیمپ لگایا اورپھر اْس کیمپ میں سے 15 پلیئرز منتخب کرکے اْن کو آسٹریلیاکے ٹورپر بھیجااورپھر اْن15میں سے چاربہترین پلیئرزکوہم نے پی ایس ایل کا حصہ بنایا۔لاہورقلندرزکے ڈائریکٹرکرکٹ آپریشنز عاقب جاوید بھی دعویٰ کیاہے کہ اس بار ہمارے تلاش کردہ نئے پلیئرز پی ایس ایل میں سبھی کو حیران کریں گے۔

موضوعات:پی ایس ایل