لاہور(مانیٹرنگ ڈیسک)سابق کپتان قومی کرکٹ ٹیم انضمام الحق نے کہا ہے کہ ہمارے کھلاڑیوں کی فٹنس انٹرنیشنل ٹیموں جیسی نہیں،کمزوریوں پرکام کرنے کیلئے وقت کی ضرورت ہے۔قومی ٹیم کے سیلکٹر انضمام الحق کا کہنا تھا کہ صرف کرکٹ نہیں ہرکھیل میں پاکستان کی خدمت کروں گا، بالرز کیلئے روٹیشن پالیسی لائیں گے۔ان کا کہنا تھا کہ قومی کرکٹ ٹیم کےکھلاڑیوں کی فٹنس انٹرنیشنل ٹیموں جیسی نہیں،کمزوریوں پرکام
کرنےکیلئے وقت کی ضرورت ہے، قومی ٹیم کے اندر یہ موضوع زور پکڑ گیا ہے کہ کھلاڑیوں کے فٹنس مسائل سے کیسے چھٹکارا پایا جائے۔نجی ٹی وی کی رپورٹ کے مطابق انضمام الحق نے کہا کہ ون ڈے کپتان اظہرعلی فٹ ہو کرٹیم کی قیادت کریں گے، ٹیم میں پرفارمنس دکھانے والا ہی کھیلے گا۔مصباح کے حوالے سے ان کا کہنا تھا کہ مصباح الحق کی پاکستان کیلئے بہت خدمات ہیں۔
