پرتھ (مانیٹرنگ ڈیسک )پاکستان کرکٹ ٹیم کے قائم مقام کپتان محمدحفیظ نے کپتانی کی دوڑ میں شامل ہونے کی بات کو رد کرتے ہوئے کہا کہ ‘اس پر بات کرنا غیرضروری ہے ایسا کچھ نہیں کہ اس کے بارے میں سوچا جائے، ہمارے کپتان اظہرعلی ہیں اور ہم چاہتے ہیں کہ وہ جتنا ممکن ہو جلد واپس آجائے۔محمد حفیظ نے کپتانی کے معاملے کو واضح کرتے ہوئے کہا کہ ‘کپتان کوئی بھی ہو اس کی مدد اور حمایت کرنا بہت ضروری ہے ۔انہو ں نے کہاکہ اظہرعلی نے ویسٹ انڈیز کے خلاف بہترین کپتانی کی تھی اور اب ضرورت ہے کہ ہم مجموعی طورپر بہترین کارکردگی دکھائیں اور وہ کچھ حاصل کریں جو ہم ٹیم کے طورپر حاصل کرنا چاہتے ہیں۔

موضوعات:محمدحفیظ