دبئی(آئی این پی)پاکستان انڈر16کرکٹ ٹیم نے آسٹریلیا انڈر16ٹیم کو 3ٹوئنٹی کی سیریز میں کلین سویپ شکست دے دی ، تیسرے ٹی ٹوئنٹی میچ میں پاکستا ن کے 137رنز کے تعاوب میں آسٹریلوی ٹیم مقررہ 20اوورز میں 8وکٹوں کے نقصان پر132رنز ہی بنا سکی ، پاکستان کی جانب سے محمد طحہٰ نے 4،آئرشعلی،مہران ممتاز اور محمد عمران نے ایک ایک وکٹ حاصل کی ۔

تفصیلات کے مطابق دبئی آئی سی سی گلوبل کرکٹ اکیڈمی گراؤنڈ پر کھیلے گئے تیسرے ٹی ٹوئنٹی میں پاکستان نے ٹاس جیت کر پہلے بیٹنگ کا فیصلہ کیا۔ پاکستان انڈر16ٹیم 18.5اوورز میں 136رنز بنا کر آؤٹ گئی ۔پاکستان کی جانب سے روحیل نذیر 57،زین بن فاروق36رنز بنا کر نمایاں بلے باز رہے ۔جواب میں پاکستا ن کے 137رنز کے تعاقب میں آسٹریلوی ٹیم مقررہ 20اوورز میں 8وکٹوں کے نقصان پر132رنز ہی بنا سکی ، پاکستان کی جانب سے محمد طحہٰ نے 4،آئرش علی،مہران ممتاز اور محمد عمران نے ایک ایک وکٹ حاصل کی ۔