راولپنڈی(این این آئی)چیف آف آرمی سٹاف جنرل قمر جاوید باجوہ سے متحدہ عرب امارات (یو اے ای) کے سفیر عیسیٰ عبد اللہ الباشا النعیمی نے بدھ کو جی ایچ کیو میں ملاقات کی۔ ملاقات کے دوران باہمی دلچسپی کے امور زیر غور لائے گئے ۔ آئی ایس پی آر کے مطابق آرمی چیف نے قندھار میں حالیہ دھماکوں کے نتیجہ میں متحدہ عرب امارات کے شہریوں کی جانوں کے نقصان پر تعزیت کا اظہار کیا۔ انہوں نے پاکستان اور یو اے ای کے درمیان مختلف شعبوں میں تعلقات کے فروغ کیلئے عیسیٰ عبد اللہ الباشا کے کردار کو سراہا۔ انہوں نے فاٹا خیبر پختونخوا میں ترقیاتی منصوبوں کیلئے متحدہ عرب امارات کے تعاون پر تشکر کا اظہار کیا۔ یو اے ای کے سفیر نے دہشتگردی اور عسکریت پسندی کیخلاف پاک فوج کے کردار کو سراہتے ہوئے امید ظاہر کی کہ پاکستان اور متحدہ عرب امارات خطے میں امن اور خوشحالی کیلئے مل کر کام کرتے رہیں گے ۔

موضوعات:چیف آف آرمی سٹاف جنرل قمر جاوید باجوہ قندھاردھماکے