برسبین (آئی این پی )بھارتی بولرروی چندرن ایشون نے کہا ہے کہ محمد عامر نے آسٹریلوی ٹیم کیخلاف بہت شاندار سپیل کیا۔ ان کی گھومتی گیندونں نے کینگروز کو بہت پریشان کیا۔ ایشون نے پاکستانی باؤلر محمد عامر کی آسٹریلیا کیخلاف گیند بازی کی تعریف کی۔ سماجی رابطوں کی ویب سائٹ ٹویٹر پر جاری ایک پیغام میں روی چندرن ایشون نے لکھا کہ محمد عامر نے شاندا باؤلنگ کی۔ آسٹریلیا کیخلاف ٹیسٹ سیریز میں بھی کئی مرتبہ ان کی گیندیں بلے کا باہری کنارہ لینے سے بال بال بچی تھیں۔
خیال رہے کہ محمد عامر نے آسٹریلیا کے خلاف پہلے ایک روزہ میچ میں شاندار باؤلنگ کا مظاہرہ کیا تھا، جس کی بدولت انہوں نے ڈیوڈ وارنر اور آسٹریلین کپتان سٹیون اسمتھ کو لگاتار دو گیندوں پر آؤٹ کیا،ایشون کے محمد عامر کے لئے تعریفی کلمات بھارتی شائقین کرکٹ کو ناگوار گزرے اور انہوں نے اپنے ہی کھلاڑی کو آڑے ہاتھوں لے لیا،سوشل میڈیاپر ایشون پر محمد عامر کی تعریفیں کرنے پر شدید تنقید شروع ہوگئی ہے سابق بھارتی کھلاڑی کا کہنا ہے کہ متنازعہ کھلاڑی کی تعریفیں کرکے ایشون نے خود کو ہی تنازعے میں ملوث کیا ہے۔
