کراچی (آئی این پی )ترکی میں انسانی اسمگلروں کے ہاتھوں اغوا ہونے والے 2 پاکستانی وطن واپس پہنچ گئے ۔ ترکی میں چند روز قبل اغوا ہونے والے 6 میں سے 2 پاکستانی وطن واپس پہنچ گئے ۔ مردان اور پشاور سے تعلق رکھنے والے اشفاق اور فضل امین غیر ملکی ایئر لائن کے ذریعے کراچی پہنچے۔ گزشتہ ہفتے ترک پولیس نے 6 پاکستانیوں کو انسانی اسمگلروں کے چنگل سے بازیاب کر ایا تھا۔ ترجمان دفتر خارجہ نفیس زکریا کا کہنا ہے کہ ترک پولیس نے کارروائی کر کے مزید دو پاکستانیوں کو بازیاب کرا لیا جن میں بلال اور فرخ شہزاد شامل ہیں۔ پاکستانی قونصل خانہ بازیاب افراد سے رابطے میں ہے۔

موضوعات:پاکستانی ترکی