ملتان(آئی این پی)پاناما لیکس پرتحریک انصاف کی رابطہ عوام مہم کے سلسلے میں کل 15جنوری بروز اتوار کو ڈیرہ غازی خان میں میدان سجے گا۔کرکٹ اسٹڈیم میں منعقد جلسہ میں عمران خان سمیت تحریک انصاف کی مرکزی قیادت شریک ہوگی۔جلسہ میں بھرپورشرکت یقینی بنانے کیلئے جنوبی پنجاب بھرکی تنظیموں کو اہداف دئیے گئے ہیں۔دوسری طرف پی ٹی آئی کے ذرائع نے دعویٰ کیا ہے کہ ڈیرہ غازی خان جلسہ میں اہم سیاسی شخصیات کی پی ٹی آئی میں شمولیت متوقع ہے۔

تحریک انصاف جنوبی پنجاب کے صدر اسحاق خان خاکوانی کا کہنا ہے کہ 15جنوری کو ہونے والا جلسہ حکمرانوں کی نیندیں اڑا کررکھ دے گا۔موجودہ حکمران پاناما لیکس میں بری طرح پھنس چکے ہیں۔ڈیرہ غازی خان میں جلسہ کے حوالے سے انتظامیہ کی طرف سے رکاوٹیں ڈالی جارہی ہیں۔اگر انتظامیہ نے رکاوٹ ڈالنے کی کوشش کی توجلسہ اندرون شہر میں جاکر ہوگا۔