اسلام آباد (مانیٹرنگ ڈیسک)پاکستان میں سیرین ائیر کے نام سے ایک ائیر لائن نے 7 مختلف شہروں میں اپنے فلائٹ آپریشنز کے آغاز کا اعلان کر دیا ہے ۔ تفصیلات کےمطابق سیرین ائیر لائن پاکستان کی ایک نجی ائیر لائن کمپنی ہے ۔سیرین ایئر لائن پاکستان کی واحد ائیر لائن ہو گی جس کے بیڑے میں جدید جنریشن کےبوئنگ800-737 طیارے ہوں گے۔ کمپنی اپنی مفصل آفرز اور منفرد فیچرز سے متعلق پہلے ہی آگاہ کر

چکی ہے۔ آپریشن کے آغاز کے پہلے دو سال سیرین ائیر محض اندرون ملک ہی فلائٹ آپریشنز کرے گی۔سول ایوی ایشن کی جانب سے یہ شرط آنے والی ائیر لائن کمپنیوں، جو بیرون ملک بھی پروازیں چلانا چاہتی ہیں، کے لیے لازمی قرار دی گئی ہے۔سیرین ائیر اسلام آباد ، لاہور، کراچی ، فیصل آباد ، اسکردو،پشاور اورکوئٹہ میں اپنے فلائٹ آپریشن کا آغاز کرے گی۔

موضوعات:سیرین ایئر