اسلام آباد(آئی این پی) معروف دفاعی تجزیہ کار جنرل (ر) اعجاز اعوان نے کہا ہے کہ ابھی اسلامی ممالک کی فوج بنی نہیں تو اس کی سربراہی سے متعلق افواہیں اڑانا حکومت کی چال ہے‘حکومت ایسی باتوں سے عوام کی توجہ مسائل سے ہٹانا چاہتی ہے۔ بدھ کو نجی ٹی وی چینل سے گفتگو کرتے ہوئے جنرل (ر) اعجاز اعوان نے کہا کہ ابتدائی طور پر فورس کو اکٹھا کرنے کی کوئی بات نہیں ہوئی۔ سابق آرمی چیف کے خلاف پروپیگنڈا بدقسمتی ہے۔ انہوں نے کہا کہ ابھی اسلامی ممالک کی فوج بنی نہیں سربراہی سے متعلق افواہیں اڑانا حکومت کی چال ہے۔ یہ پروپیگنڈا بہت غلط ہے۔ حکومت ایسی باتوں سے عوام کی توجہ مسائل سے ہٹانا چاہتی ہے