پشاور(این این آئی)پشاور کی ضلعی انتظامیہ نے کونگمنگ لالٹین کے استعمال پر ایک ماہ کے لیے پابندی عائد کردی ۔ضلعی انتظامیہ کی جانب سے جاری اعلامیہ کے مطابق کونگمنگ لالٹین بچے کھیل کے لیے استعمال کرتے ہیں جو حساس مقامات کے لیے خطرے کا سبب بن سکتی ہے۔ ڈپٹی کمشنر نے حساس مقامات کے اطرف پانچ کلومیٹر میں کونگمنگ لالٹین کو کھیل کے لیے استعمال پر دفعہ ایک سو چوالیس کے تحت پابندی عائد کردی۔ وزارت داخلہ کے احکامات پر پابندی ایک ماہ کے لیے عائد کی گئی ہے۔ خلاف ورزی کرنے والوں کیخلاف دفعہ ایک سو اٹھاسی کے تحت کاروائی کا حکم دیا گیاہے۔