چاغی (مانیٹرنگ ڈیسک) سعودی گورنر تبوک پرنس فہد بن سلطان بن عبدالعزیز تلور کے شکار کے لئے اپنے خصوصی طیارے کے ذریعے دالبندین ائیرپورٹ پہنچ گئے۔ان کے استقبال کے لئے عبید اللہ بابت،محمد خان لہڑی، ایم پی اے چاغی سخی میر امان اللہ نوتیزی اور دیگر سرکاری اور قبائلی عمائدین موجود تھے ،گورنر تبوک کے لئے سکیورٹی کے سخت انتظامات کیے گئے تھے۔سعودی گورنر دالبندین سے تیس کلو میٹر فاصلے پرشکار گاہ کے لئے روانہ ہوگئے ،وہ ایک ماہ تک مقیم رہیں گے اور چاغی کے صحراؤں میں شکار کریں گے۔واضح رہے کہ اس سے قبل قطری شاہی خاندان کے متعدد افراد پاکستان میں تلور کے شکار کیلئے پہلے سے موجود ہیں۔

موضوعات:سعودی گورنر