دبئی (آن لائن)آسٹریلیا نے پاکستان کو ٹیسٹ میچز کی سیریز میں شکست دیدی ہے لیکن قومی ٹیم کے بلے باز اور ون ڈے ٹیم کے کپتان اظہر علی بلے بازوں کی فہرست میں چھٹے نمبر پر آ گئے ہیں۔تفصیلات کے مطابق قومی ٹیم کے کھلاڑی اظہر علی نے آسٹریلیا کیخلاف دوسرے ٹیسٹ میں ڈبل سینچری بنائی تھی جس کے باعث انہیں بہت سراہا بھی گیا تھا لیکن میچ میں کامیابی آسٹریلیا کو ہی حاصل ہوئی۔تاہم 2016کے اختتام پر آئی سی سی نے بھی رینکنگ جاری کر دی ہے جس کے مطابق آسٹریلیا کے کھلاڑی سٹیون سمتھ پہلے نمبر پر براجمان ہیں ،بھارت کے ویرات کوہلی دوسرے ،انگلینڈ کے کھلاڑی جوئے روٹ تیسرے پر موجود ہیں۔کین ویلیم سن چوتھے،ڈیوڈ وارنر پانچویں اور چھٹے نمبر پر اظہر علی ہیں۔